Dmitri Bondarenko

Dmitri Mikhailovich Bondarenko (kwa Kirusi Дмитрий Михайлович Бондаренко; amezaliwa Moscow tarehe 9 Juni 1968) ni mtaalamu wa historia ya Afrika na mwanaanthropolojia wa kijamii toka Urusi. Yeye ni daktari wa historia (2000), profesa (2007) na mwanachama wa Chuo cha Sayansi cha Urusi (2016), mwanasayansi mwandamizi na naibu mkurugenzi wa Taasisi ya Afrika ya Chuo cha Sayansi cha Urusi, profesa wa Chuo Kikuu cha Urusi cha Elimu Utu anayeongoza pia Kituo cha Kimataifa cha Anthropolojia cha Chuo Kikuu cha Uchumi. Mbali na hayo Bw. Bondarenko ni mwanzilishi na mhariri mwenza wa jarida la kimataifa la Maendeleo ya Kijamii na Historia (Social Evolution and History).

Dmitri Bondarenko

Wasifu

Mwaka 1990 alihitimu kwa heshima katika Idara ya Ethnografia ya Kitivo cha Historia cha Chuo Kikuu cha Moscow. Mwaka 1993 alipata digrii ya uzamivu wa historia akitetea tasnifu ambayo mada yake ni Jamii ya Ufalme wa Benin kabla ya mahusiano na Wazungu na vipengele vyake vya ngazi na ustaarabu.

Kuanzia Agosti mwaka 1990 anafanya kazi katika Taasisi ya Afrika. Tangu Aprili 2008 yeye ni naibu mkurugenzi wa shughuli za kisayansi na kuanzia Machi mwaka 2018 ana cheo cha mwanasayansi mwandamizi. Vile vile anaratibu kazi ya Kituo cha Uchunguzi wa Nchi za Afrika kusini mwa Sahara, Kituo cha Historia na Anthropolojia ya Kitamaduni pamoja na Kituo cha Uchunguzi wa Elimujamii na Siasa cha Taasisi hiyo.

Tangu Septemba mwaka 1996 anafundisha katika Chuo Kikuu cha Urusi cha Elimu Utu. Huko mwaka 2000 alitetea tasnifu ya udaktari kuhusu historia ya Benin kabla ya zama za ufalme, ujenzi na maendeleo ya muundo wake wa kijamii na kisiasa.

Anaongoza Kituo cha Kimataifa cha Anthropolojia cha Chuo Kikuu cha Uchumi tangu kuanzishwa kwake mnamo Februari mwaka 2018.

Alialikwa kufanya kazi katika Chuo Kikuu cha Evanston nchini Marekani (miaka 1993-1994), Taasisi ya Historia ya Jumuiya ya Max Planck mjini Göttingen huko Ujerumani (miaka 2003 na 2006) na Jumba la Elimu Utu mjini Paris, Ufaransa (mwaka 2005).

Miaka ya 1990-2010 aliwahi kuwa mhadhiri kwenye Vyuo Vikuu vya Angola, Misri, Urusi, Marekani, Slovenia, Tanzania na Uganda. Pamoja na hayo Dmitri Bondarenko ni mwanchama wa Jumuiya ya Anthropolojia ya Marekani, Jumuiya ya Wanaanthropolojia na Wanaethnografia wa Urusi (kama mjumbe wa Kamati ya Utendaji na mwenyekiti wa Tume ya Anthropolojia ya Siasa), Jumuiya ya Utafiti wa Afrika ya Marekani, Jumuiya ya Uchunguzi wa Afrika ya Australasia na Oceania, Shirika la Wanaanthropolojia wa Kijamii wa Ulaya (kama kiongozi wa kundi la wataalamu wa Afrika miaka 2006-2008), Umoja wa Kimataifa wa Elimu za Anthropolojia na Ethnografia, Jamii ya Wataalamu wa Afrika ya Ufaransa na Jamii ya Utafiti wa Maendeleo ya Kitamaduni.

Aliongoza utafiti wa shambani wa wataalamu wa Urusi katika nchi za Afrika kama vile Tanzania (miaka 2003, 2005, 2007), Nigeria (2006), Benin (2008), Rwanda (2009), Zambia (2010), Uganda (miaka 2017 na 2018) na pia kati ya Waafrika nchini Urusi (2007-2016) na Wamarekani weusi (miaka 2013-2015 na 2022).

Yeye yupo katika Tume Kuu ya Kutathmini ya Shirikisho la Urusi. Tangu tarehe 28 Oktoba 2016 yeye ni mwanachama wa Idara ya Taaluma za Historia, Fasihi na Lugha ya Chuo cha Sayansi cha Urusi.

Alisifiwa na Robert L. Carneiro na Henri J. M. Claessen.

Fani yake

• nadharia ya jamii;
• nadharia ya anthropolojia;
• historia ya dunia nzima;
• anthropolojia ya siasa;
• jamii kabla ya Mapinduzi ya Viwandani;
• mabadiliko ya kijamii na kitamaduni na uhusiano kati ya utamaduni tofauti duniani (vipengele vya kikabila, kidini na vya kimataifa);
• wahamiaji watokao nchi za Afrika kusini mwa Sahara nchini Urusi na Marekani;
• utamaduni na historia ya makabila ya Afrika kusini mwa Sahara.

Maandishi

Aliandika zaidi ya vitabu 8 vya kisayansi vikiwemo 5 vilivyochapishwa kwa Kiingereza:

• Post-Colonial Nations in Historical and Cultural Context. Lanham, MD: Lexington Books, 2023.
• African Americans and American Africans: Migration, Histories, Race and Identities. Canon Pyon: Sean Kingston Publishing, 2019.
• The Axial Ages of World History: Lessons for the 21st Century. Litchfield Park, AZ: Emergent Publications, 2014 (with K. Baskin).
• Homoarchy as a Principle of Culture's Organization. The 13th-19th Centuries Benin Kingdom as a Non-State Supercomplex Society. Moscow: URSS, 2006.
• A Popular History of Benin. The Rise and Fall of a Mighty Forest Kingdom. Frankfurt am Main etc.: Peter Lang, 2003 (with P.M. Roese).

Baadhi ya makala zake ni:

• Political Parties in Africa (Special Issue of Journal of the Institute for African Studies. 2023, № 2 [63]).
• The Evolution of Social Institutions: Interdisciplinary Perspectives. Jalada kutoka ya awali juu ya 2020-11-12. Cham: Springer, 2020.
• The Omnipresent Past. Historical Anthropology of Africa and African Diaspora. Moscow: LRC Publishing House, 2019.
• Plural Trajectories: Introduction to African Futures (Special Issue of Journal of the Institute for African Studies. 2019, № 2 [47]).
• State Building, States, and State Transformation in Africa (Special Issue of Social Evolution and History. 2018. Vol. 17, № 1).
• Anthropology, History, and Memory in Sub-Saharan Africa. In Memoriam Michel Izard (Special Issue of Social Evolution and History. 2014. Vol. 13, № 2).
• Alternativeness in Cultural History: Heterarchy and Homoarchy as Evolutionary Trajectories. Moscow: Center for Civilizational and Regional Studies Press, 2007.
• The Early State, Its Alternatives and Analogues. Volgograd: Uchitel’, 2004.
• Nomadic Pathways in Social Evolution. Moscow: Center for Civilizational and Regional Studies Press, 2003.
• Alternatives of Social Evolution. Vladivostok: FEB RAS, 2000.
• Civilizational Models of Politogenesis. Moscow: Institute for African Studies Press, 2000.

Viungo vya nje

• Dmitri Bondarenko katika tovuti ya Chuo cha Sayansi cha Urusi
• Ukurasa wake kwenye tovuti ya Taasisi ya Afrika
• Dmitri Bondarenko
• Ukurasa wake katika tovuti ya Kituo cha Historia na Anthropolojia ya kitamaduni cha Taasisi ya Afrika
• Makala zake katika Socionauki
• Mahojiano yake kuhusu Mauaji ya kimbari ya Rwanda
• Mahojiano katika tovuti ya Shirika la Habari la Lenta.ru