Hongwe

Hongwe
Hongwe mweupe (Galeichthys feliceps)
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Nusufaila: Vertebrata (Wanyama wenye uti wa mgongo) Ngeli: Actinopterygii (Samaki walio na mapezi yenye tindi) Oda: Siluriformes (Samaki kama kambale) Familia: Ariidae Bleeker, 1862
Ngazi za chini
Jenasi 30: Ariinae Bleeker, 1862 Amissidens Kailola, 2004 Amphiarius Marceniuk & Menezes, 2007 Ariopsis Gill, 1861 Arius Valenciennes, 1840 Aspistor Jordan & Evermann, 1898 Batrachocephalus Bleeker, 1846 Brustiarius Herre, 1935 Carlarius Marceniuk & Menezes, 2007 Cathorops Jordan & Gilbert, 1882 Cephalocassis Bleeker, 1858 Cinetodus Ogilby, 1898 Cochlefelis Whitley, 1941 Cryptarius Kailola, 2004 Genidens Castelnau, 1855 Hemiarius Bleeker, 1862 Hexanematichthys Bleeker, 1858 Ketengus Bleeker, 1847 Nedystoma Ogilby, 1898 Nemapteryx Ogilby, 1908 Neoarius Castelnau, 1878 Netuma Bleeker, 1858 Notarius Gill, 1861 Occidentarius Betancu-R. & Acero P., 2007 Osteogeneiosus Bleeker, 1846 Plicofollis Kailola, 2004 Potamarius C.L. Hubbs & R.R. Miller, 1960 Potamosilurus Marceniuk & Menezes, 2007 Sciades J.P. Müller & Troschel, 1849 Bagreinae [[]] Bagre Cloquet, 1816 Galeichthyinae [[]] Galeichthys Valenciennes, 1840

Hongwe, fumi au yahudhi ni samaki wa baharini na maji baridi katika familia Ariidae wa oda Siluriformes ambao wana sharubu ndefu. Wanatokea kanda za tropiki na nusutropiki duniani kote. Familia hii ina spishi 143.

Maelezo

Hongwe wana pezimkia lenye panda ndefu. Kwa kawaida jozi tatu za sharubu zipo. Wana magamba ya ufupa juu ya kichwa chao na karibu na pezimgongo lao. Angalau spishi kadhaa zina miiba yenye sumu katika pezimgongo na mapeziubavu.

Msambazo na makazi

Hongwe sio wa kawaida kati ya samaki kama kambale kwa kuwa huishi hasa katika bahari; nyingi sana za familia za samaki kama kambale huishi katika maji baridi tu na wana uvumilivu mdogo kwa hali ya maji ya chumvi. Hongwe hupatikana katika bahari yenye kina kidogo za kitropiki karibu na pwani za Amerika ya Kaskazini na ya Kusini, Afrika, Asia na Australia.

Hata hivyo, spishi nyingi kiasi za hongwe zimo pia katika makazi ya maji baridi au hutokea katika maji baridi tu. Huko Amerika ya Kaskazini na ya Kusini, karibu na spishi 43 huingia maji ya chumvi kidogo au hupatikana katika maji baridi pekee. Na hata katika Afrika spishi kadhaa zinatokea maji baridi hasa.

Ekolojia

Liche ya makazi yao ya kibahari hongwe wana matohoaji kadhaa ya kipekee ambayo yanawaweka tofauti na samaki wengine kama kambale. Takriban spishi zote ni samaki wanaoatamia mayai kinywani. Madume hubeba idadi ya makumi machache ya mayai madogo kinywani kwa muda wa miezi miwili hadi wachanga watoke na kuanza kuogelea peke yao.

Uvuvi

Hongwe huvuliwa sehemu nyingi za Afrika, hata Afrika ya Mashariki. Kwa kawaida huliwa wakiwa wamechomwa au katika supu ya samaki.

Spishi za Afrika

• Arius africanus, Hongwe Mashariki (African sea catfish)
• Arius brunellii, Hongwe wa Mto Juba (Jubba River catfish)
• Arius festinus, Hongwe Mwepesi (Agile catfish)
• Arius gigas, Hongwe Mkubwa Magharibi (Giant sea catfish)
• Arius latiscutatus, Hongwe Kichwa-shupavu (Rough-head sea catfish)
• Arius madagascariensis, Hongwe wa Madagaska (Madagascar sea catfish)
• Arius uncinatus, Hongwe Ndaka (Barbed catfish)
• Arius venosus, Hongwe Mapezi-meusi (Veined catfish)
• Carlarius heudelotii, Hongwe Domo-laini (Smoothmouth sea catfish)
• Carlarius parkii, Hongwe wa Gini (Guinean sea catfish)
• Galeichthys ater, Hongwe Mweusi (Black sea catfish)
• Galeichthys feliceps, Hongwe Mweupe (White sea catfish)
• Galeichthys trowi, Hongwe wa Trow (Trow's sea catfish)
• Netuma thalassina, Hongwe Mkubwa Mashariki (Giant catfish)
• Plicofollis dussumieri, Hongwe Mapezi-nchanyeusi (Blacktip sea catfish)
• Plicofollis layardi, Hongwe Miiba-myembamba (Thinspine sea catfish)
• Plicofollis polystaphylodon, Hongwe wa Msumbiji (Mozambique sea catfish)

Picha

• 
  Hongwe mkubwa mashariki
• 
  Hongwe mapezi-nchanyeusi

Marejeo

• Rashid Anam & Edoardo Mostarda (2012) Field identification guide for the living marine resources of Kenya. FAO, Rome.
• Gabriella Bianchi (1985) Field guide to the commercial marine brackish-water species of Tanzania. FAO, Rome.

Viungo vya nje

• Hongwe kwenye hifadhidata ya samaki Ilihifadhiwa 9 Desemba 2019 kwenye Wayback Machine.