Masafa ya mawimbi

Masafa ya mawimbi (pia urefu wa wimbi, mara chache lukoka; kwa Kiingereza wavelength) ni namna ya kupima na kutaja ukubwa wa wimbi.

Picha inaonyesha mawimbi kwenye bahari; alama ya λ inaonyesha umbali kati ya vilele viwili au masafa ya mawimbi. Herufi ya Kigiriki λ Lambda ni alama ya urefu wa wimbi.

Lukoka au urefu wa wimbi hupimwa kati ya sehemu zinazolingana ya mawimbi mawili.

Ni umbali kati ya sehemu za kulingana za mawimbi mawili ambayo yanafuatana, kwa mfano kati ya kilele na kilele au mabonde yao.

Mawimbi yapo kila sehemu ya mazingira asilia, kwa mfano:

• mawimbi ya maji
• mawimbisauti
• mawimbi sumakuumeme pamoja na nuru na wimbiredio

Masafa ya mawimbi hutofautiana sana. Mawimbi marefu yanayoweza kutambuliwa na milango ya fahamu ya binadamu ni sauti ya besi yenye masafa ya mita 21. Sikio letu linatambua mawimbi yenye masafa kati ya milimita 17 hadi mita 21.

Mawimbi sumakuumeme yana upeo mkubwa.

• Masafa ya wimbiredio ni kati ya milimita 1 hadi kilomita 100.
• nuru inayoonekana kwa macho yetu ina masafa kati ya nanomita 380 (urujuani) hadi 780 (nyekundu). Nyuki huona pia mnururisho mfupi zaidi yaani urujuanimno, lakini hawaoni nyekundu.
• eksirei zina masafa baina ya nanomita 0.01 hadi 10.
• masafa ya mawimbi gammarei iko katika upeo wa pikomita.

Masafa ya mawimbi na marudio

Masafa ya mawimbi huwa na uhusiano wa kinyume na marudio ya wimbi. Kama marudio ya wimbi ni ya juu, masafa yake yatakuwa madogo. Vilevile kinyume, kama wimbi lina masafa makubwa, marudio yake ni madogo.

Tovuti za Nje

• What is wavelenghth? (wisegeek)

Wikimedia Commons ina media kuhusu:

Masafa ya mawimbi

• Conversion: Wavelength to Frequency and vice versa – Sound waves and radio waves Ilihifadhiwa 11 Machi 2012 kwenye Wayback Machine.
• Teaching resource for 14–16 years on sound including wavelength Ilihifadhiwa 13 Machi 2012 kwenye Wayback Machine.
• The visible electromagnetic spectrum displayed in web colors with according wavelengths