Lusiano wa Antiokia

Lusiano wa Antiokia (labda Samosata, leo Samsat, Uturuki, 240 hivi – labda Nikomedia, 7 Januari 312) alikuwa padri mwanateolojia ambaye alijulikana pia kwa uadilifu wake mkubwa na hatimaye alifia dini ya Ukristo kwa kukatwa kichwa au kwa kuachwa afe njaa.

Mchoro mdogo wa kifodini chake kutoka Menologion ya Basili II.

Tangu kale anaheshimiwa na Wakatoliki na Waorthodoksi kama mtakatifu mfiadini.

Sikukuu yake huadhimishwa tarehe 7 Januari au 15 Oktoba.

Maisha

Alipata upadrisho huko Antiokia akaanzisha chuo cha teolojia ambacho kilikwenda kinyume cha chuo cha Aleksandria kwa kutaka maneno ya Biblia yasifafanuliwe kiroho mno, na badala yake yachukuliwe yalivyo.

Kwa ajili hiyo alifanya kazi kubwa ya kulinganisha nakala mbalimbali ili kuona maandiko asili yaliyopotea yalikuwaje. Eusebi wa Kaisarea alisifu utaalamu na ufasaha wake na kazi hiyo ni muhimu hata leo kwa wataalamu wa Biblia. Wengine waliomsifu ni Yohane Krisostomo, Sirili wa Aleksandria na Jeromu.

Hata hivyo alihusishwa na uzushi akatengwa na Kanisa, ila baadaye alipatanishwa (285 hivi).

Chini ya kaisari Maximinus Daia, alifungwa na kupelekwa Nikomedia, alipoteswa sana akiwa gerezani miaka tisa bila kukubali kuasi dini yake. Hatimaye aliuawa.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko

Marejeo

• Gustave Bardy. Recherches sur saint Lucien d'Antioche et son école (Paris: Beauchesne, 1936).

Vyanzo

Wikimedia Commons ina media kuhusu:

Lusiano wa Antiokia

• Catholic Encyclopedia: St. Lucian of Antioch Retrieved on September 6, 2006. Contains bibliography.
• Philip Schaff and Henry Wace, Nicene and Post-Nicene Fathers vol. III, ch LXXVII
• Schaff, Philip, History of the Christian Church, Volume II: "Ante-Nicene Christianity. A.D. 100-325" Contains bibliography.
• Attwater, Donald and Catherine Rachel John. The Penguin Dictionary of Saints. 3rd edition. New York: Penguin Books, 1993. ISBN|0-14-051312-4.

Makala hii bado ni mbegu. Je, unajua kitu kuhusu Mkristo huyu, kama wasifu wake, habari za maisha au kazi yake? Je, unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuiongezea habari.