Myles Munroe

Myles Munroe, OBE (20 Aprili 1954 – 9 Novemba 2014) alikuwa mwinjilisti, profesa mwenye bidii katika Ufalme wa Mungu mwandishi, mzungumzaji na mshauri wa uongozi wa Bahamas. Alianzisha na kuongoza Bahamas Faith Ministries International (BFMI), na Myles Munroe International (MMI). Pia alikuwa afisa mkuu mtendaji na mwenyekiti wa bodi ya Jumuiya ya Kimataifa ya Viongozi wa Dunia ya Tatu, na rais wa Taasisi ya Kimataifa ya Mafunzo ya Uongozi. Dk Munroe alikuwa mwandishi wa vitabu vingi pia.

Munroe na mkewe walifariki katika ajali ya ndege mnamo Novemba 9, 2014. Maafisa wa Bahamia walisema ndege yao iligonga kreni kwenye uwanja wa meli karibu na Uwanja wa Ndege wa Kimataifa wa Grand Bahama. Munroe na abiria wengine walikuwa wakielekea Grand Bahama kwenye mkutano.

Wasifu

Maisha ya awali na elimu

Alizaliwa Myles Egbert Munroe mwaka wa 1954 huko Nassau, Bahamas, Munroe ametoka kwenye familia maskini yenye watoto kumi na moja. Alilelewa kwenye eneo bunge la Nassau la Bain Town, alikuwa mkazi wa Jumuiya ya Madola maishani mwake. Munroe alikua Mkristo wakati wa ujana wake, baadaye akasoma katika Chuo Kikuu cha Oral Roberts (ORU) ambapo alipata Shahada yake ya Sanaa, Elimu, na Theolojia mnamo 1978 na Shahada ya Uzamili katika utawala kutoka Chuo Kikuu cha Tulsa mwaka 1980. Munroe pia alikuwa mpokeaji wa digrii za heshima za udaktari kutoka shule mbalimbali za elimu ya juu na aliwahi kuwa profesa msaidizi wa Shule ya Uzamili ya Theolojia huko ORU. Aliandika idadi kadhaa ya vitabu, na kitabu chake cha kwanza kilichoitwa "Kanuni na Nguvu ya Uraia wa Ufalme - The Principle and Power of Kingdom Citizenship: Keys to Experiencing Heaven on Earth" na kilichapishwa mnamo 1992.

Maisha binafsi

Mkewe, Ruth Munroe, alihudumu kama mchungaji mwenza pamoja naye BFMI. Walifunga ndoa mwaka wa 1978. Wenzi hao walikuwa na watoto wawili, Myles, Jr. (anayejulikana kama Chairo), na binti, Charisa.

Huduma ya Kikristo

Kufuatia kuhitimu kwake kutoka Chuo Kikuu cha Tulsa, Munroe alianzisha Bahamas Faith Ministries International mapema miaka ya 1980.

Kifo

Munroe na mkewe walifariki katika ajali ya ndege binafsi wakati wakikaribia uwanja wa ndege tarehe 9 Novemba 2014. Maafisa wa Bahamas walisema kuwa ndege yao iligonga kreni kwenye uwanja wa meli karibu na Uwanja wa Ndege wa Kimataifa wa Grand Bahama. Munroe na abiria wengine walikuwa wakielekea Freeport, Grand Bahama kwenye mkutano.

Marejeo

Makala hii kuhusu mwandishi fulani bado ni mbegu. Je, unajua kitu kuhusu Myles Munroe kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.