Open main menu
Mahali pa Nzega (kijani) katika mkoa wa Tabora.

Wilaya ya Nzega ni wilaya moja ya Mkoa wa Tabora nchini Tanzania yenye postikodi namba 454 [1].. Katika sensa ya mwaka 2012, idadi ya wakazi wa wilaya hiyo ilihesabiwa kuwa 502,252 [2]

Eneo la Nzega

Imepakana na wilaya ya Kahama (Shinyanga) upande wa kaskazini-magharibi, wilaya ya Tabora mjini upande wa kusini na wilaya ya Igunga upande wa mashariki.

Wilaya hii ina eneo la 9,226 km2 na sehemu kubwa ni ardhi yenye rutba inayofaa kwa kilimo. Inapokea mvua milimita 9,000 kwa mwaka.

Sehemu kubwa ya eneo ni misitu inayozaa takriban 15,000 m3 za ubao, makaa na kuni. Kuna mito inayozaa samaki na milambo 13. Mto muhimu ni mto Igombe unaovuka wilaya yote.

Wakazi

Wakazi wa wilaya ni hasa Wanyamwezi na Wasukuma walio wengi kuna pia Watutsi na Wanyiramba. Vikundi vingine ni Waarabu na Wachagga wanaotazamiwa kama wageni.

Dini

Dini kubwa ni Wakristo, Waislamu na wafuasi wa dini za jadi. Wakristo ni hasa Wakatoliki na Wapentekoste.Asilimia kubwa ya watu wa vijijini ni wafuasi wa dini za jadi.

Mawasiliano

Barabara kuu inayoelekea Rwanda na Burundi inapita wilayani kuna njia za kwenda Shinyanga, Mwanza na Tabora. Jumla ya barabara ni kilomita 1,137 lakini hakuna barabara za lami ni theluthi moja tu inayopitika mwaka wote.

Reli ya kati kutoka Dar es Salaam kupitia Tabora kwenda Shinyanga inapita wilayani pia.

Miji ya Nzega na Bukene ina simu na posta. Uenezaji wa simu za mkononi umesaidia mawasiliano nje ya miji hii.

Elimu

Kuna shule za msingi 196 na shule za sekondari 3 pamoja na chuo cha ualimu.

Vituo vya elimu ya watu wazima vilikuwa na wanafunzi 27,857. 65% za wakazi wote walikadiriwa kuwa wasomi. Kunauhaba wa madarasa, deski na nyumba za walimu.

Afya

Kuna hospitali mbili moja ni hospitali ya wilaya upande wa serikali na nyingine ni hospitali ya Ndala iliyoko chini ya kanisa katoliki. Kuna sahanati 4 za serikali na 1 ya kanisa katoliki. Kliniki 29 ziko chini ya serikali, 3 za watu binafsi na mbili za kanisa.

Huduma za afya hazitoshi ni chache kulingana na idadi ya watu. Tatizo kubwa ni hali mbaya ya chakula na wakina mama wengi kiasi wanakufa wakati wa kuzaa.

Maji

Takwimu ya 1993 ilionyesha ya kwamba chini ya nusu ya wakazi walikuwa na maji safi. Sehemu kubwa ni kutoka visima na wakati wa ukame maji huwa haba. Kuna hatari kubwa ya maji kuchafuliwa. Watu wengi hawana vyoo wala nafasi za kuacha takataka.

Umeme

Huduma za umeme zinapatikana Nzega mjini na kwenye makazi kadhaa yaliyopo kwenye barabara kuu Dar es Salaam – Rwanda - Burundi.

Usalama

Kuna vituo vya polisi, Force Unit (FFU), wanamigambo wa taifa na sungusungu. Kuna mahakama ya wilaya na mahakama ndogo 13 vijijini.

Utawala na Siasa

Kuna tarafa 4, kata 37, vijiji 134 na vijiji vidogo 969.

Wilaya ina majimbo mawili ya bunge ambayo ni Nzega na Bukene. Vyama vingi vilishindana kwenye uchaguzi. CCM ilipata kura nyingi ikashinda ikifuatwa na NCCR-Mageuzi


Marejeo

Tovuti za Nje


  Kata za Wilaya ya Nzega - Mkoa wa Tabora - Tanzania  

Budushi | Bukene | Igusule | Ijanija | Ikindwa | Isagenhe | Isanzu | Itilo | Itobo | Kahama Nhalanga | Karitu | Kasela | Lusu | Magengati | Mambali | Mbogwe | Miguwa | Milambo Itobo | Mizibaziba | Mogwa | Muhugi | Mwakashanhala | Mwamala | Mwangoye | Nata | Ndala | Nkiniziwa | Nzega Mjini | Nzega Ndogo | Puge | Semembela | Shigamba | Sigili | Tongi | Uduka | Utwigu | Wela

  Makala hii kuhusu maeneo ya Mkoa wa Tabora bado ni mbegu.
Je unajua kitu kuhusu Wilaya ya Nzega kama historia yake, biashara, taasisi zilizopo, watu au utamaduni?
Labda unaona habari katika wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.
Tafadhali usiingize majina ya maafisa au viongozi wa sasa maana wanabadilika mno.