Gertrudi wa Thuringia

Mtakatifu Gertrudi (pia: Getrudi Mkuu; 1256 – 17 Novemba 1301) alikuwa mmonaki wa kike wa monasteri ya Helfta nchini Ujerumani.

Gertrudi wa Thuringia

Tangu kale anaheshimiwa na Kanisa Katoliki kama mtakatifu bikira. Heshima hiyo ilithibitishwa na Papa Inosenti XI mwaka 1677.

Sikukuu yake ni tarehe 16 Novemba.

Maisha

Gertrudi alizaliwa katika mji wa Eisleben, mkoa wa Thuringia, nchini Ujerumani mwaka 1256.

Katika utoto wake alilelewa na watawa wa kike Wabenedikto (labda wa urekebisho wa Citeaux) huko Helfta, ambako alifaulu vizuri katika masomo yake, hasa falsafa, historia na fasihi, pamoja na kukimbilia upwekeni kwa juhudi zenye ari.

Baada ya kumuongokea kabisa Mungu na kujiweka kabisa mikononi mwake, alijiunga na monasteri hiyo, alipofuata vizuri ajabu njia ya ukamilifu, ajitosa katika kusali na kufanya fikara kwa kumkazia macho ya imani Kristo msulubiwa .

Alifariki tarehe 17 Novemba 1301.

Sala zake

Mungu, unayestahili upendo usio na mipaka, sina chochote cha kupimia vema ukuu wako, lakini hamu yangu kwako ni hivi kwamba, kama ningekuwa na yale yote uliyonayo wewe, ningekupa yote kwa furaha na shukrani.

Kwa ajili ya uongofu nakutolea, Baba mpenzi sana, mateso yote ya Mwanao mpendwa sana tangu wakati ule ambapo, akilazwa horini juu ya nyasi, alianza kulia, halafu akavumilia mahitaji ya utoto, mapungufu ya ubalehe, mateso ya ujana, hadi alipoinamisha kichwa akafa msalabani kwa mlio mkubwa.

Vilevile, kwa kufidia makosa yangu ya uzembe, nakutolea, Baba mpenzi sana, mwendo wote wa maisha matakatifu sana ambayo Mwanao pekee aliyaishi kikamilifu kabisa katika mawazo, maneno na matendo yake tangu atumwe kutoka ukuu wa kiti chako cha enzi kuja katika dunia yetu, hadi alipouonyesha mtazamo wako wa Kibaba utukufu wa mwili wake mshindi.

Kama shukrani nazama katika kilindi kirefu sana cha unyenyekevu, na pamoja na huruma yako isiyolipika, nasifu na kuabudu wema wako mtamu sana.

Wewe, Baba wa huruma, nilipokuwa ninapoteza maisha yangu hivyo, ulikuza kwangu mawazo ya amani, si ya mabaya, ukaamua kuniinua kwa wingi na ukuu wa fadhili zako.

Kati ya mengine, ulitaka kunijalia ujirani usiothaminika wa urafiki wako kwa kunifungulia kwa namna mbalimbali hazina ile azizi sana ya umungu, ambayo ni moyo wako wa Kimungu, na kwa kunitolea kwa wingi mkubwa kila utajiri wa furaha ndani yake.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko

Marejeo

• Gertrude of Helfta (1993). The Herald of Divine Love. Classics of Western Spirituality. translated and edited by Margaret Winkworth, preface by Louis Bouyer. New York: Paulist Press. [This contains a full translation of Books 1 and 2, and a partial translation of Book 3.]
• Gertrude the Great of Helfta, Spiritual Exercises, Translated, with an Introduction, by Gertrud Jaron Lewis and Jack Lewis. Cistercian Fathers series no. 49, (Kalamazoo: Cistercian Publications, 1989)
• Gertrud the Great of Helfta, The Herald of God's Loving-Kindness, books 1 and 2, translated, with an Introduction, by Alexandra Barratt. Cistercian Fathers series no. 35, (Kalamazoo, MI: Cistercian Publications, 1991)
• Gertrud the Great of Helfta, The Herald of God's Loving-Kindness, book 3, translated, with an Introduction, by Alexandra Barratt. Cistercian Fathers series no. 63, (Kalamazoo, MI: Cistercian Publications, 1999)
• Gertrude, the Great, Saint (2020). Barratt, Alexandra (mhr.). The herald of God's loving kindness, book 5. Kalamazoo, Mich.: Liturgical Press. ISBN 978-0-87907-186-8.{{cite book}}: CS1 maint: multiple names: authors list (link)
• Gertrude the Great, Saint (1861). Preces Gertrudianae: Prayers of St. Gertrude and St. Mechtilde of the Order of St. Benedict. Ilitafsiriwa na Thomas Alder Pope. Burns and Lambert.

Viungo vya nje

Wikimedia Commons ina media kuhusu:

Gertrudi wa Thuringia

• Benedict XVI, "On St. Gertrude", General audience, October 6, 2010
• The Life and Revelations of Saint Gertrude the Great - the full text online.
• Dolan, Gilbert. St. Gertrude the Great, Sands & Co., London, 1913
• St. Gertrude of Helfta at the Christian Iconography web site.
• Patron Saints Index: "Saint Gertrude the Great" Ilihifadhiwa 19 Machi 2012 kwenye Wayback Machine.
• The Life and Revelations of Saint Gertrude the Great - the full text online. Ilihifadhiwa 26 Machi 2012 kwenye Wayback Machine.
• "St. Gertrude the Great". Catholic Encyclopedia. New York: Robert Appleton Company. 1913. http://www.newadvent.org/cathen/06534a.htm.

Makala hii bado ni mbegu. Je, unajua kitu kuhusu Mkristo huyu, kama wasifu wake, habari za maisha au kazi yake? Je, unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuiongezea habari.