Gonzalo Garcia
(Elekezwa kutoka Gonzalo Garcìa)
Gonzalo Garcia (1556 - 1597) alikuwa bradha wa shirika la Ndugu Wadogo Pekupeku kutoka India na mmisionari aliyefia dini Japani .
Dhuluma dhidi ya Wakatoliki zilipozidi, yeye na wenzake 25 (mapadri na watawa 8 na walei 17[1]) walikamatwa, walitukanwa na kuteswa vikali, na hatimaye wakasulubiwa huko Nagasaki tarehe 5 Februari mwaka 1597, huku wakifurahia neema ya kuuawa namna ileile ya Yesu.
Anaheshimiwa na Kanisa Katoliki kama mtakatifu mfiadini. Ni wa kwanza kutangazwa kati ya wazaliwa wa India.
Sikukuu yake na ya wafiadini wenzake huadhimishwa kila mwaka tarehe 6 Februari[2].
Tazama pia
haririTanbihi
hariri- ↑ Kati yao Paulo Miki, Yohane wa Goto na Yakobo Kisai walikuwa Wajesuiti; Petro Baptista, Martino wa Kupaa na Fransisko Blanco, walikuwa mapadri wa shirika la Ndugu Wadogo Pekupeku; Filipo wa Yesu na Fransisko wa Mt. Mikaeli walikuwa mabradha wa shirika hilohilo; Leo Karasuma, Petro Sukejiro, Kosma Takeya, Paulo Ibaraki, Tomaso Danki, Paulo Suzuki walikuwa makatekista Wajapani; Ludoviko Ibaraki, Antonio, Mikaeli Kozaki na mwanae Tomaso, Bonaventura, Gabrieli, Yohane Kinuya, Matia, Fransisko wa Meako, Yohakimu Sakakibara na Fransisko Adaukto walikuwa Wakristo wapya.
- ↑ Martyrologium Romanum
|
Makala hii bado ni mbegu. Je, unajua kitu kuhusu Mkristo huyu, kama wasifu wake, habari za maisha au kazi yake? Je, unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuiongezea habari. |