Krisma

Krisma (kutoka Kigiriki: χρῖσμα, Khrisma, yaani mpako) ni mafuta ya kunukia yanayotumiwa na Wakristo wa madhehebu mbalimbali (Wakatoliki, Waorthodoksi, Waorthodoksi wa Mashariki, Wakatoliki wa Kale, Waanglikana, Wamormoni na baadhi ya Walutheri) katika ibada kadhaa, hasa sakramenti za ubatizo, kipaimara na daraja takatifu.

Chombo cha kioo chenye krisma ndani yake. Kwa juu imeandikwa SC, kifupi cha maneno ya Kilatini sanctum chrisma, yaani krisma takatifu.

Aina ya tabenakulo ya mafuta matakatifu vinapotunzwa kwa heshima krisma, mafuta ya wagonjwa na mafuta ya wakatekumeni.

Krisma ndiyo asili ya majina Kristo, Wakristo yanayomtambulisha Yesu na wafuasi wake.

Ukristo wa Magharibi

Askofu akiandaa krisma.

Kanisa la Kilatini

Katika Kanisa la Kilatini mafuta ya zeituni yanachanganywa na manukato na kuwekwa wakfu na askofu akishirikiana na mapadri wa jimbo lake, kwa kawaida asubuhi ya Alhamisi kuu, baada ya kubariki mafuta ya wakatekumeni na yale ya wagonjwa.

Krisma ni ya lazima kwa sakramenti ya Kikatoliki ya Kipaimara, na inatumiwa pia katika sakramenti za Ubatizo na Daraja Takatifu.

Katika ubatizo, ikiwa mtu aliyebatizwa hatathibitishwa kwa Kipaimara mara moja, mhudumu humtia mafuta ya krisma utosini.

Wale waliowekwa wakfu kwa upadri, baada ya kupokea daraja hupakwa krisma kwenye mikono, na waliopewa uaskofu hutiwa mafuta kichwani na Askofu mwadhimishaji.

Pia hutumiwa katika utakaso wa vitu kama vile makanisa na madhabahu.

Viungo vya nje

Wikimedia Commons ina media kuhusu:

Krisma

• Chrism — from the Catholic Encyclopedia
• Chrismatory — from the Catholic Encyclopedia
• On Chrism by St. Cyril of Jerusalem
• The Sanctification of the Holy Chrism Greek Orthodox Archdiocese

Makala hii kuhusu dini ya Ukristo bado ni mbegu. Je, unajua kitu kuhusu Krisma kama historia yake, matokeo au athari zake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.