Open main menu

Morisi Mtakatifu

(Elekezwa kutoka Maurice Mtakatifu)
Morisi Mtakatifu katika sare ya kijeshi. Sanamu hiyo ipo katika kanisa kuu la Magdeburg, Ujerumani.
Morisi kama mwanajeshi kwenye nembo ya mji wa Buederich, Ujerumani.

Morisi Mtakatifu (pia: Maurice, Mauritius) alikuwa kiongozi wa kikosi cha Thebe katika jeshi la Roma ya Kale.

Kifodini chakeEdit

Kufuatana na mapokeo ya karne ya 4 kikosi hicho kilijumlisha wanajeshi Waafrika kutoka Misri ya kusini na Nubia waliotumwa Ulaya wakati wa Kaisari Maximiano wa Roma. Wengi wao walikuwa Wakristo.

Huko Agaunum (leo Saint-Maurice-en-Valais), karibu na mto Rhone, katika eneo la Uswisi wa leo, walipewa amri ya kujiandaa kwa mapigano dhidi ya waasi na kabla ya mapigano kutoa sadaka kwa Kaisari aliyeheshimiwa kama mungu mmojawapo. Wakristo hao walikataa kutoa sadaka hiyo. Kaisari alipopata habari hii akakasirika akatoa amri kuua kila askari wa kumi katika kikosi. Wakristo walipoendelea kukataa amri ilirudiwa hatimaye karibu kikosi chote kiliuawa pamoja na kiongozi chake Morisi.

Heshima baada ya kifoEdit

Morisi pamoja na askari wa kikosi cha Thebe waliheshimiwa mapema kama watakatifu na wafiadini Wakristo. Kati yao wanakumbukwa kwa jina Esuperi, Kandidi na Vikta. Katika mapokeo ya sanaa ya Kikristo walichorwa kama Waafrika weusi.

Sikukuu yao huadhimishwa tarehe 22 Septemba.

Miji mbalimbali ya Uswisi na Ujerumani walitumia na wanatumia picha za Morisi au watakatifu wengine wa Kikosi cha Thebi katika nembo zao. Mara nyingi kama mji wa Ulaya una picha ya mtu mweusi katika nembo yake hii inammaanisha Morisi Mtakatifu au wenzake.

Morisi aliheshimiwa hasa kama kielelezo cha mwanajeshi bora.

Mji wa Sankt Moritz (Saint Maurice) nchini Uswisi unabeba jina lake.

Tazama piaEdit

Viungo vya njeEdit

  Makala hii kuhusu Mkristo huyu bado ni mbegu.
Je, unajua kitu kuhusu Morisi Mtakatifu kama wasifu wake, habari za maisha au kazi yake?
Labda unaona habari katika Wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.