Papa Adeodato I

Papa Adeodato I (pia Adeodatus, Deodatus, Deusdedit) alikuwa Papa kuanzia tarehe 19 Oktoba 615 hadi kifo chake tarehe 8 Novemba 618. Alitokea Roma, Italia. Jina la baba yake lilikuwa Stephanus, ambaye alikuwa shemasi mdogo.

Papa Adeodato I.

Alimfuata Papa Bonifasi IV akafuatwa na Papa Bonifasi V.

Kabla ya kuchaguliwa, alitoa huduma ya kipadri kwa miaka 40. Alikuwa padri wa kwanza kuchaguliwa kuwa Papa tangu Yohane II mwaka 533. Baadaye alikuza idadi ya mapadri na kuwapa nafasi zilizokuwa zimeshikwa na wamonaki kadiri ya sera ya Papa Gregori I na Papa Bonifasi IV.

Kweli alijulikana kwa kupenda wakleri na waumini wake pamoja na unyofu na hekima yake .

Pope Adeodatus I

Matumizi ya kwanza ya mihuri ya risasi au bullae kwenye nyaraka za Kipapa yanahusishwa naye.

Tangu kale anaheshimiwa na Wakatoliki na Waorthodoksi kama mtakatifu.

Sikukuu yake huadhimishwa tarehe ya kifo chake.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko
• Orodha ya Mapapa

Viungo vya nje

• Kuhusu Papa Adeodato I katika Kamusi Elezo ya Kikatoliki

Makala hii kuhusu Papa fulani bado ni mbegu. Je, unajua kitu kuhusu Papa Adeodato I kama wasifu wake, habari za maisha au kazi yake? Je, unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuiongezea habari.