Eneo la ng'ambo la Ufaransa

Maeneo ya ng'ambo ya Ufaransa ni maeneo nje ya Ulaya zilizokuwa koloni lakini zimeendelea kuwa sehemu za Ufaransa.

Hali ya kisheria

Maeneo haya hutofautiana katika hali ya kisheria lakini wakazi wao wote ni raia wa Ufaransa na kila eneo linachagua wabunge wake kwa bunge la Paris. Isipokuwa maeneo yasiyokaliwa na watu hawana mbunge.

• mengine ni mikoa (departement) kamili sawa na mikoa mingine ndani ya Ufaransa bara; maeneo yao ni sehemu ya Umoja wa Ulaya.
• mengine ni jumuiya za kujitawala (collectivite) chini ya Ufaransa; hazihesabiwi kuwa sehemu za Umoja wa Ulaya; zinajitwala katika mambo ya ndani lakini mambo ya nje, jeshi na sheria huendeshwa na serikali ya kitaifa na sheria za bunge la Paris.
• kuna bado eneo moja la ng'ambo linalotawaliwa na serikali ambalo ni visiwa vya kusini vya Kifaransa katika Bahari Hindi.

Mikoa ya Ng'ambo (Département d'outre-mer) au Jimbo la Ng'ambo (Région d'outre-mer)

• Guadeloupe (tangu 1946 - Bahari ya Karibi)
• Martinique (tangu 1946 - Bahari ya Karibi)
• Guyana ya Kifaransa (tangu 1946 - Amerika ya Kusini)
• Réunion (tangu 1946 - Bahari Hindi)
• Mayotte katika Bahari Hindi karibu na Komori; mwaka 2011 wakazi walipiga kura wakaamua kuendelea kama Mkoa wa Ng'ambo (Département d'outre-mer).

Eneo la Ng'ambo (Territoire d'outre-mer)

• Visiwa vya kusini vya Kifaransa katika Bahari Hindi tangu 1956)

Jumuiya za Kujitawala za Ng'ambo Collectivité d'outre-mer

Jumuiya hizi zilianzishwa kwa mabadiliko ya katiba ya Ufaransa mwaka 2003. Kila jumuiya imeundwa kwa sheria ya pekee.

• Polynesia ya Kifaransa katika Bahari ya Pasifiki.
• Saint Pierre na Miquelon katika Atlantiki karibu na Kanada.
• Wallis na Futuna katika Pasifiki ya kusini

Nouvelle-Calédonie au Kaledonia Mpya

• Kaledonia Mpya (katika Pasifiki ya kusini) ni eneo la pekee; sehemu ya wakazi wanadai uhuru na kati ya 2014 na 2019 wakazi wote watapiga kura kuhusu swali la kubaki na Ufaransa au kuanzisha nchi huru.

Visiwa visivyokaliwa na watu

Ufaransa hutawala au kudai utawala juu ya visiwa vidogovidogo bila wakazi:

Bahari Hindi

Îles Éparses

• Bassas da India
• kisiwa cha Europa
• Visiwa Glorioso
• Kisiwa cha Juan de Nova
• Kisiwa cha Tromelin

Visiwa hivi hudaiwa pia na Madagaska na Tromelin inadaiwa na Shelisheli.

Pasifiki

• Kisiwa cha Clipperton

Tazama pia

• Orodha ya départements za Ufaransa

Viungo vya Nje

• Official site Archived 12 Oktoba 2005 at the Wayback Machine.
• past and current developments of France's overseas administrative divisions like pays d'outre-mer (French language) Archived 29 Septemba 2006 at the Wayback Machine.