Raphael

Raffaello Sanzio (kwa Kiitalia huitwa pia Raffaello da Urbino; kwa Kiingereza anajulikana kama Raffael au Raphael) (6 Aprili 1483 - 6 Aprili 1520) alikuwa mchoraji na mjenzi kutoka Italia.

Raphael alivyojichora.

Pamoja na Leonardo da Vinci na Michelangelo huhesabiwa kati ya wasanii muhimu wa zama ya mwamko ya Italia.

Maisha

Raphael alizaliwa mjini Urbino kama mtoto wa mchoraji Giovanni Santi aliyefanya kazi katika utumishi wa mkabaila Federiko III wa Montefeltro.

Katika umri wa miaka 15 alikuwa mwanafunzi katika karakana ya mchoraji Pietro Perugino aliyeshiriki katika kazi za kupamba Kikanisa cha Sistina kwenye Vatikano.

Raphael alijifunza haraka na tangu mwaka 1500, alipokuwa na umri wa miaka 17, alipewa kazi za kwanza za kujitegemea.

Alianza kuchora picha katika makanisa ya miji mbalimbali ya Italia.

Alipenda kutembelea Firenze akitazama michoro ya walimu wa kale.

Tangu alipohamia Roma, alikoitwa na Papa Julius II, kazi kubwa aliyopewa ilikuwa picha za ukutani kwenye vyumba vya Papa mwenyewe.

Raphael aliaga dunia mapema katika umri wa miaka 37. Hakuoa wala hakuna watoto waliojulikana.

Upande wa dini, alikuwa Mkristo wa Kanisa Katoliki, tena mwanachama wa Utawa wa Tatu wa Mt. Fransisko.

Michoro yake

• 
  Baldassare Castiglione, (1514-1515)
• 
  Guidobaldo wa Montefeltro, Palazzo degli Uffizi huko Firenze
• 
  Papa Julius II, (1511-1512)
• 
  Kardinali Tommaso Inghirami (1515-1516)
• 
  Mt. Sebastiano
• 
  Maria na mtoto Yesu
• 
  Maria na mtoto Yesu (mnamo 1507)
• 
  Kristo (1507)
• 
  Agnolo Doni, (1506), Firenze
• 
  Maddalena Doni, (1506)
• 
  Mwanamke aliyeitwa "La Muta", Galleria Nazionale delle Marche mjini Urbino
• 
  La Fornarina (1518-1520)
• 
  Msalaba (1507)
• 
  Warembo watatu
  (1504-1505)
• 
  Mt. George akipigana na joka (1505)
• 
  Plato, (1509)
• 
  Francesco Maria della Rovere (1514), (Czartoryski Museum), Kraków (Polandi)

Viungo vya nje

• (Kifaransa) Picha kadhaa za Rapahel Ilihifadhiwa 19 Machi 2008 kwenye Wayback Machine.
• (Kifaransa) Tovuti ya kibiashara inayoonyesha picha 275 za Raffaello Santi Ilihifadhiwa 4 Agosti 2021 kwenye Wayback Machine.
• (Kiingereza) Raphael kwenye Artcyclopedia

Makala hii kuhusu mtu huyo bado ni mbegu. Je, unajua kitu kuhusu Raphael kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.