Reli ya abiria ya Dar es Salaam

Reli ya abiria ya Dar es Salaam ni mfumo wa usafiri katika jiji la Dar es Salaam unaotumia njia za reli zilizopo ndani ya eneo la jiji. Ni mojawapo ya mipango miwili iliyoanzishwa na serikali kurahisisha safari ndani ya jiji na kupunguza msongamano,nyingine pia ni mfumo wa mabasi yaendayo haraka ya Dar es Salaam. Huduma za usafiri zinatolewa na Shirika la Reli Tanzania (TRC) pamoja na Mamlaka ya Reli ya Tanzania na Zambia (TAZARA).

Historia

Kabla ya kuzinduliwa kwake, matumizi ya daladala yalikuwa njia ya pekee ya usafiri wa umma. Safari ya uzinduzi zilifanyika tarehe 29 Oktoba mwaka 2012.. Umma uliitaja kama "Gari moshi ya Mwakyembe" kwa heshima ya Harrison Mwakyembe, Waziri wa Uchukuzi wakati huo. Huduma zilikabiliwa na matatizo kama hali mbaya ya mabehewa na kukwama kwa injini.

Huduma

Gari moshi hazipatikani mfululizo siku nzima bali kwenye saa ya asubuhi na jioni pekee. Huduma ya TAZARA inaanza kwenye kituo kikuu kilichopo njiapanda ya Barabara ya Nelson Mandela na Barabara ya Julius K. Nyerere ikiendelea kwa kilomita 30 hadi Mwakanga. Treni za mzunguko husafirishaji abiria 9,000 kila siku lakini hakuna huduma wakati wa Jumapili na kwenye sikukuu. TRC inahudumia njia mbili za jijini. Moja inaunganisha kituo kikuu kwenye Railway Street mjini na Pugu, ikitumia vituo vya Pugu Station, Mwisho wa Lami, Gongo la Mboto, FFU Mombasa, Banana (Njia Panda Segerea), Karakana, Vingunguti Mbuzi, Bakhresa, Kamata na Stesheni. Nyingine iko kati ya kituo kikuu na Ubungo-Maziwa.

Viungo vya nje

• Video katika YouTube
• When I missed the train, by Lawi Joel, Daily News.