Pepin Mfupi

Pepin Mfupi (kwa Kifaransa: Pépin le Bref; 714 hivi – 24 Septemba 768) alikuwa mfalme wa Wafaranki tangu mwaka 751 hadi kifo chake. Ndiye mwanzilishi wa nasaba ya Wakarolo.

Mchoro mdogo wa Pipino Mfupi, Anonymi chronica imperatorum, 1112–1114 hivi.

Mtoto wa Karolo Nyundo na mke wake Rotrude wa Hesbaye, alilelewa na wamonaki wa Basilika la Mt. Denis.

Alipomrithi baba yake kama Mkuu wa ikulu mwaka 741, alitawala nchi pamoja na kaka yake Carloman. Pipino alitawala Neustria, Burgundy na Provence, na Carloman alitawala Austrasia, Alemannia na Thuringia. Walikomesha uasi wa Wabavaria, Waakwitania, Wasaksoni na wa Waalemani, halafu mwaka 743 walimtawaza Kilderiki III mfalme wa mwisho wa Wamerovinji.

Wakiheshimu Kanisa na Papa, waliendeleza sera ya baba yao kwa kumuunga mkono Boniface katika kurekebisha Kanisa la Wafaranki na kuinjilisha Wasaksoni.

Baada ya Carloman kutawa mwaka 747, Pipino alimlazimisha Kilderiki kujiunga na monasteri akawa mfalme mwenyewe kwa msaada wa Papa Zakaria mwaka 751.

Alijitahidi kueneza utawala wake, alirekebisha sheria za Wafaranki na alimuunga mkono Papa Stefano II dhidi ya Walombardi nchini Italia. Kwa kumpa Papa miji kadhaa, aliweka msingi wa Dola la Papa.

Aliteka Septimania kutoka kwa Waislamu Umayyad na kupambana na makabila mbalimbali ya Kijerumani.

Alipofariki alirithiwa na wanae Karolo Mkuu na Karlomano I.

Marejeo

• Brown, T.S. (1995). "Byzantine Italy". Katika McKitterick, Rosamond. The New Cambridge Medieval History, c.700-c.900. Vol. II. Cambridge University Press. 
• Dutton, Paul Edward (2008). Charlemagne's Mustache: And Other Cultural Clusters of a Dark Age. Palgrave Macmillan. 
• Enright, M.J. (1985). Iona, Tara, and Soissons: The Origin of the Royal Anointing Ritual. Walter de Gruyter. 
• Lewis, Archibald R. (2010). The Development of Southern French and Catalan Society, 718–1050. THE LIBRARY OF IBERIAN RESOURCES ONLINE. 
• Petersen, Leif Inge Ree (2013). Siege Warfare and Military Organization in the Successor States (400-800 AD): Byzantium, the West and Islam. Leiden: Brill Publishers. ISBN 978-90-04-25199-1. 
• Riché, Pierre (1993). The Carolingians: A Family Who Forged Europe. University of Pennsylvania Press. 
• Schulman, Jana K., mhariri (2002). The Rise of the Medieval World, 500-1300: A Biographical Dictionary. Greenwood Press. 
• Tucker, Spencer C., mhariri (2011). A Global Chronology of Conflict. Vol. I. ABC-CLIO. 

Viungo vya nje

Wikimedia Commons ina media kuhusu:

Pepin the Short

• Document by Pepin for Fulda Abbey, 760, Kigezo:LBALink.

Makala hii kuhusu mwanasiasa fulani bado ni mbegu. Je, unajua kitu kuhusu Pepin Mfupi kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.