Nikolasi wa Myra

Nikolasi wa Myra (pia: Nikola, Nikolaus; kwa Kigiriki: Νικόλαος, Nikolaos; 270 – 6 Desemba 343) alikuwa askofu wa mji wa Myra akaendelea kuwa mmoja wa watakatifu maarufu zaidi katika Kanisa kwa maadili yake na kwa maombezi yake mbele ya Mungu.

Nikolasi wa Myra jinsi alivyochorwa na mtawa Mrusi katika karne ya 12.

Tarehe 6 Desemba ni sikukuu yake inayosheherekewa na Wakristo Wakatoliki, Waorthodoksi na pia na sehemu ya Waprotestanti katika Ulaya ya kati na kaskazini.

Maisha

Hakuna habari nyingi za kihistoria zenye uhakika juu ya maisha yake lakini hadithi zilizosimuliwa juu yake ziko tele.

Myra leo hii inaitwa Demre, ni mji kusini mwa Uturuki, si mbali na Antalya. Ulikuwa mji wa bandari.

Nikolasi alikuwa na sifa ya kutenda miujiza pamoja na uponyaji.

Anasemekana alikuwa na tabia ya kuwaletea watu maskini na watoto zawadi kwa siri; kwa hiyo hukumbukwa hadi leo kwenye sikukuu yake ambako watoto katika nchi mbalimbali hupokea zawadi zinazowekwa ndani ya viatu au ndani ya soksi.

Kutokana na desturi hii amekuwa pia kielelezo au chanzo cha Baba Krismasi iliyo desturi badala ya Nikolasi.

Katika Ulaya ya karne za kati aliheshimiwa kama mtakatifu msimamizi wa wanabahari na wafanyabiashara; hapo ni sababu mojawapo ya kwamba kuna makanisa mengi sana yenye jina lake.

Picha

• 
  Michoro mitatu pamoja huko Perugia (Italia), kuhusu matendo ya Mt. Nikolasi. 1437 hivi, kazi ya Fra Angelico.
• 
  Michoro mitatu pamoja huko Bari, Italia, mchoro wa Gentile da Fabriano, mwaka 1425 hivi.
• 
  Mt. Nikolasi huko de Dam (Amsterdam), Uholanzi.
• 
  Picha ya madini ya Mt. Nikolasi, kazi ya Georgi 'Chapa' Chapkanov, ikimuonesha akishika samaki. Gilbert House, Stanley, Falkland Islands.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko

Marejeo

Makala hii bado ni mbegu. Je, unajua kitu kuhusu Mkristo huyu, kama wasifu wake, habari za maisha au kazi yake? Je, unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuiongezea habari.