Methodio

Methodio wa Thesalonike (kwa Kigiriki: Μεθόδιος - Methodios; kwa Kislavoni: Мефодии; Thesalonike, Ugiriki, mnamo 826 - Velehrad, Moravia, leo nchini Ucheki, 6 Aprili 885) alikuwa mmisionari wa Waslavoni wa Ulaya ya kusini-mashariki katika karne ya 9 BK akishirikiana na kaka yake Sirili.

Methodio
Ndugu Sirili na Methodi mitume wa Waslavoni.
Amezaliwa	826
Feast

Tangu kale anaheshimiwa na Wakatoliki na Waorthodoksi kama mtakatifu pamoja na kaka yake.

Sikukuu yao huadhimishwa tarehe ya kifo cha kaka yake, 14 Februari.

Maisha

Alizaliwa kwa jina la "Mikaeli" mjini Thesalonike au Saloniki katika Ugiriki ya kaskazini wakati wa enzi za Dola la Bizanti kama mtoto wa Leontios askari wa Kibizanti na Maria mke wake Mslavoni.

Methodio alijiunga na wamonaki akawa msimamizi wa monasteri.

Mnamo mwaka 861 Rastislav mtawala wa Moravia alitafuta njia ya kuimarisha utawala wake kwa kupunguza athira ya majirani wake Wafrankoni wa Mashariki (au Wajerumani jinsi walivyoitwa baadaye). Wajerumani waliwahi kuleta imani ya Kikristo Moravia. Ratislav alitaka kuwa na maaskofu na mapadri wasio Wajerumani. Hivyo alimwomba Kaisari wa Bizanti kutuma wamisionari kwake kutoka huko.

Kaisari Michael III Konstantino wa Konstantinopoli alituma ndugu Sirili na Methodio kwa sababu wote wawili walikuwa watu wa Kanisa wenye elimu nzuri wakijua lugha ya Kislavoni tangu utoto wao.

Baadaya ya kifo cha Sirili, Methodio aliendelea akiwa amefanywa na Papa Adriani II kuwa askofu wa Srijem (leo nchini Kroatia) na mwalimu wa Kikristo mwenye athira kubwa kati ya Waslavoni. Tangu mwaka 883 alitafsiri Biblia katika lugha ya Kisalvoni na kuweka misingi ya liturgia ya Kislavoni.

Anasifiwa kama mmisionari aliyefaulu kuunganisha ujumbe wa Ukristo na utamaduni wa Waslavoni, akifanya kazi bila kujibakiza na kwa kuvumilia vipingamizi vingi, akitegemezwa daima na Mapapa wa Roma.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko

Viungo vya nje

• The Life and Miracles of Saints Cyril and Methodius, Bishops and Apostles of the Christian Church Ilihifadhiwa 3 Septemba 2014 kwenye Wayback Machine.
• Slavorum Apostoli by Pope John Paul II
• Waraka wa Papa Yohane Paulo II
• Cyril and Methodius – Encyclical letter (Epistola Enciclica), 31 December 1980 Waraka wa Papa Yohane Paulo II]
• "Cyril and Methodius, Saints" article in Encyclopædia Britannica.
•  "Sts. Cyril and Methodius". Catholic Encyclopedia. New York: Robert Appleton Company. 1913.
• "Equal to Apostles SS. Cyril and Methodius Teachers of Slavs", by Prof. Nicolai D. Talberg
• Catholic Culture
• Cyril and Methodius at orthodoxwiki
• Bulgarian Official Holidays, National Assembly of the Republic of Bulgaria: in English Ilihifadhiwa 9 Juni 2008 kwenye Wayback Machine., in Bulgarian Ilihifadhiwa 28 Novemba 2010 kwenye Wayback Machine.
• Bank holidays in the Czech Republic, Czech National Bank: in English Ilihifadhiwa 31 Oktoba 2007 kwenye Wayback Machine., in Czech Ilihifadhiwa 3 Novemba 2010 kwenye Wayback Machine.
• 24 May – The Day Of Slavonic Alphabet, Bulgarian Enlightenment and Culture
• Cyril Ilihifadhiwa 2 Februari 2011 kwenye Wayback Machine. at Patron Saints Index Ilihifadhiwa 25 Juni 2007 kwenye Wayback Machine.

Wikimedia Commons ina media kuhusu:

Methodio

Makala hii bado ni mbegu. Je, unajua kitu kuhusu Mkristo huyu, kama wasifu wake, habari za maisha au kazi yake? Je, unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuiongezea habari.