Qatar

Qatar (kwa Kiarabu: قطر ) ni emirati ndogo wa Uarabuni kwenye rasi ya Qatar ambayo ni sehemu ya rasi kubwa ya Uarabuni.

دولة قطر
Dawlat Qatar
State of Qatar

Bendera Nembo
Kaulimbiu ya taifa:
Wimbo wa taifa: As Salam al Amiri
Mji mkuu	Doha 25°18′ N 51°31′ E
Mji mkubwa nchini	Doha
Lugha rasmi	Kiarabu, Kiingereza
Serikali Mtemi Waziri mkuu	Ufalme Tamim bin Hamad Al Thani (تميم بن حمد بن خليفة آل ثاني) Khalid bin Khalifa bin Abdul Aziz Al Thani (خالد بن خليفة بن عبد العزيز آل الثاني)
Uhuru1	3 Septemba 1971
Eneo  - Jumla  - Maji (%)	11,581 km² (ya 158) „kidogo sana“
Idadi ya watu  - Agosti 2020 kadirio  - 2010 sensa  - Msongamano wa watu	2,795,484 (ya 142) 1,699,435 [1] 176/km² (ya 76)
Fedha	Riyal (QAR)
Saa za eneo  - Kiangazi (DST)	(UTC+3) (UTC+3)
Intaneti TLD	.qa
Kodi ya simu	+974
1 Qatar ilitawaliwa na familia ya Al Thani tangu karne ya 19 lakini ilikuwa chini ya Uingereza katika karne ya 20

Imepakana na Saudia upande wa kusini. Mipaka mingine ni ya Ghuba ya Uajemi. Kisiwa cha Bahrain kiko karibu.

Mji mkuu wa Qatar ni Doha.

Historia

Maeneo ya Qatar, pamoja na Falme za Kiarabu na Bahrain yalikuwa nyumbani kwa makabila madogo na chifu zao.

Tangu mwaka 1820 walikuwa na mikataba na Uingereza walipoahidi kuachana na uharamia na kupokea ulinzi wa Uingereza. Ulinzi huo ulizuia uvamizi wa Saudia katika karne ya 20.

Falme hizo zilikuwa nchi lindwa chini ya Uingereza hadi mwaka 1971, ambapo madola hayo madogo yalipata uhuru.

Siasa

Miaka ya mwisho Qatar imejihusisha na siasa ya Mashariki ya Kati kwa kuwapa silaha Waislamu wenye itikadi kali kama vile huko Palestina, Syria na Iraq, na hata DAISH.

Kwa sababu hiyo imetengwa na nchi jirani, hasa Saudia.

Watu

Wananchi wengi wa Qatar kwa asili ni Waarabu na Waafrika (utumwa nchini ulichelewa sana kufutwa). Lakini kati ya wakazi wote, wenyeji hao ni asilimia 12 tu (313,000), yaani idadi kubwa sana si Waqatari wenyewe bali ni wafanyakazi kutoka nchi mbalimbali, hasa India (zaidi ya 21%) na nchi za kandokando yake (Nepal 16.6%, Bangladesh 12.5%, Pakistan 4.5%, Sri Lanka 4.3%), halafu Ufilipino (10%), Misri (9%) n.k.

Kiarabu ni lugha rasmi ya nchi lakini Kiingereza hutumiwa mara nyingi kwa mawasiliano ya biashara na ofisini.

Waqatari wenyewe ni Waislamu (hasa Wasuni) lakini watu kutoka nje hufuata pia dini mbalimbali: hivyo kati ya wakazi wote 65.5% ni Waislamu, 15.1% ni Wahindu, 14.2% ni Wakristo, 3.3% ni Wabuddha n.k.

Uchumi

Uchumi wote wa Qatar una msingi wa mafuta ya petroli na gesi yake. Kwa wastani wakazi wake wana kipato kikubwa kuliko watu wa nchi zote duniani.

Tazama pia

• Orodha ya nchi kufuatana na wakazi

Viungo vya nje

• Qatar entry at The World Factbook
• Qatar katika Open Directory Project
• Qatar from the BBC News.
• Wikimedia Atlas of Qatar
• Key Development Forecasts for Qatar from International Futures.
• Legal Portal Archived 4 Desemba 2012 at the Wayback Machine. by the Ministry of Justice, including official gazette.
• Qatar Medical Care System

Makala hii kuhusu maeneo ya Asia bado ni mbegu. Je unajua kitu kuhusu Qatar kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.