Cabo Verde

Jamhuri ya Cabo Verde (Kiswahili)
Repúblika di Kabu Verdi (Krioli)

(Bendera ya Cabo Verde) (Nembo ya Cabo Verde)
Lugha rasmi	Kireno
Mji Mkuu	Praia
Mji Mkubwa	Praia
Serikali	Jamhuri
Rais	José Maria Neves
Waziri Mkuu	Ulisses Correia e Silva
Eneo	km² 4,033
Idadi ya wakazi	483,628 (2021)
Wakazi kwa km²	123.7
Uchumi nominal	$ Bilioni 2.042
Pesa	Eskudo ya Cabo Verde
Kaulimbiu	"Umoja, Kazi, Maendeleo"
Wimbo wa Taifa	Chimbo ya Uhuru

Cabo Verde (kwa Kiing. Cape Verde) ni nchi ya visiwa katika bahari ya Atlantiki mbele ya pwani ya Afrika ya Magharibi.

Ramani ya Cabo Verde.

Umbali wake na Senegal ni km 460.

Jiografia

Eneo la visiwa vyake kwa jumla ni km² 4,033.

Funguvisiwa lake lina visiwa 15 katika vikundi viwili:

• Visiwa "juu ya upepo" (Barlavento): Santo Antão, São Vicente, São Nicolau, Sal, Boa Vista na visiwa bila watu vya Santa Luzia, Branco na Razo.
• Visiwa "chini ya upepo" (Sotavento): Maio, Santiago, Fogo, Brava na visiwa bila watu vya Ilheus Secos ou do Rombo.

Miji

Mji mkuu ni Praia katika kisiwa cha Santiago.

Miji mikubwa zaidi ni (takwimu za mwaka 2010): Praia (wakazi 127,832), Mindelo (wakazi 70,468), Santa Maria (wakazi 23,839), Assomada (wakazi 12,026), Pedra Badejo (wakazi 9,345) na São Filipe (wakazi 8,125).

Historia

Hadi kufika kwa Wareno katika karne ya 15 visiwa vya Cabo Verde havikuwa na watu.

Wareno walianzisha mashamba ya miwa na kuleta watumwa kutoka bara la Afrika.

Cabo Verde ilikuwa pia kituo muhimu cha biashara ya watumwa kati ya Afrika na Amerika.

Wahamiaji kutoka Ulaya walikuwa pia Wahispania, Waitalia pamoja na Wayahudi na Waislamu waliokataliwa kukaa kwao Ureno.

Watu

Kutokana na historia hiyo, leo idadi kubwa ya wakazi ni machotara waliozaliwa na Waafrika (waliochangia 56% ya DNA) na Wazungu (waliochangia 44%).

Lugha rasmi ni Kireno, lakini wakazi wanazungumza zaidi aina mbalimbali za Krioli iliyotokana na lugha hiyo.

Upande wa dini, walau 89.1% ya wakazi ni Wakristo, hasa wa Kanisa Katoliki (78.7%), lakini pia wa madhehebu mbalimbali ya Uprotestanti (10.4%).

Kutokana na hali ngumu ya uchumi, wananchi wanaoishi nje ya Cabo Verde ni mara mbili kuliko wale wanaoishi nchini. Kati ya waliohama baada ya uhuru (1975), 500,000 wanaishi Marekani na 150,000 Ureno. Hata hivyo kuna wahamiaji vilevile, hasa kutoka nchi za Afrika bara.

Tazama pia

• Orodha ya nchi kufuatana na wakazi
• Orodha ya nchi za Afrika kulingana na idadi ya watu
• Orodha ya nchi za Afrika kulingana na msongamano wa watu
• Orodha ya nchi za Afrika kulingana na pato la taifa
• Demografia ya Afrika

Marejeo

• J.Pim, C. Pierce, A.B.Watts, I. Grevemeyer, A. Krabbenhoeft (5 May 2008). Crustal structure and origin of the Cape Verde Rise. 272. Elesiever. pp. 422–428.

     . http://www.earth.ox.ac.uk/~tony/watts/downloads/Pim_etal_2008.pdf. Retrieved 2015-07-18.

• Carling, Jorgen (2004). "Emigration, Return and Development in Cape Verde: The Impact of Closing Borders". Population, Space and Place (John Wiley & Sons, Ltd.) 55 (10): 113–132.

     . . http://www.researchgate.net/publication/227504366_Emigration_return_and_development_in_Cape_Verde_the_impact_of_closing_borders.

• Ramalho, R.; Helffrich, G.; Schmidt, D.; Vance, D. (2010). "Tracers of Uplift and Subsidence in the Cape Verde Archipelago". Journal of the Geological Society (London: Geological Society of London) 167 (3): 519–538.

     . https://www.geolsoc.org.uk/en/Publications/Supplementary%20Publications/2010/~/media/Files/GSL/shared/Sup_pubs/2010/18390SupPub.ashx.

Viungo vya nje

• Official website of the Government of Cape Verde
• Cabo Verde katika Open Directory Project
• Cape Verde entry at The World Factbook
• Cape Verde from State.gov
• Country Profile from BBC News
• Cape Verde entry on Encyclopædia Britannica
• Cape Verde Archived 7 Oktoba 2008 at the Wayback Machine. from UCB Libraries GovPubs
• Key Development Forecasts for Cape Verde from International Futures
• Cape Verde 2012
• Amateur Radio Cabo Verde

Makala hii kuhusu maeneo ya Afrika bado ni mbegu. Je unajua kitu kuhusu Cabo Verde kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.