Eswatini

Eswatini (jina rasmi tangu mwaka 2018 ni Umbuso weSwatini; kifupi cha Kiswati: eSwatini; kwa Kiswahili pia: Uswazi; kwa Kiingereza: Eswatini) ni nchi ndogo ya Kusini mwa Afrika isiyo na pwani katika bahari yoyote.

Umbuso weSwatini
Kingdom of Eswatini

Bendera Nembo
Kaulimbiu ya taifa: Siyinqaba (Kiswati: Sisi ni boma)
Wimbo wa taifa: Nkulunkulu Mnikati wetibusiso temaSwati
Mji mkuu	serikali: Mbabane mfalme na bunge: Lobamba 26°19′ S 31°8′ E
Mji mkubwa nchini	Mbabane
Lugha rasmi	Kiingereza, Kiswati
Serikali Mfalme	Ufalme Mswati III
Uhuru kutoka Uingereza	6 Septemba 1968
Eneo  - Jumla  - Maji (%)	17,364 km² (ya 157) 0.9
Idadi ya watu  - Julai 2015 kadirio  - 2007 sensa  - Msongamano wa watu	1,119,000 (ya 154) 1,018,449 68.2/km² (135)
Fedha	Lilangeni (SZL)
Saa za eneo  - Kiangazi (DST)	(UTC+ 2) (UTC)
Intaneti TLD	.sz
Kodi ya simu	+268 -

Ramani ya Eswatini.

Imepakana na Afrika Kusini na Msumbiji.

Mji mkuu ni Mbabane.

Historia

Wakazi wa kwanza huaminiwa kuwa wawindaji wa jamii ya Wasani.

Katika karne za kwanza BK walifika wahamiaji Wabantu wenye ujuzi wa kilimo na uhunzi.

Waswati walianzisha ufalme wao katikati ya karne ya 18 chini ya Ngwane III; mipaka ya sasa ilikubalika mwaka 1881.

Baada ya vita kati ya Waingereza na Makaburu, Swaziland ilukuwa nchi lindwa ya Uingereza tangu mwaka 1903 hadi 1967.

Chini ya mfalme Sobhuza II aliyetawala kwa muda mrefu sana (1921-1982), Swaziland ilipata uhuru tarehe 6 Septemba 1968.

Siasa

Eswatini inatawaliwa tangu mwaka 1986 na mfalme Mswati III. Mfalme anapingwa mara nyingi kwa sababu anatumia pesa nyingi kwa ajili yake binafsi ilhali wananchi ni maskini sana. Kwa muda mwingi wa uhuru wa nchi katiba imesimamishwa, na mfalme ametawala peke yake.

Watu

Mwanamke kutoka Eswatini akicheza.

Wakazi wengi ni wa kabila la Waswati na kuongea lugha ya Kiswati ambacho ni lugha rasmi pamoja na Kiingereza. Shuleni kinafundishwa pia Kireno.

Upande wa dini, 89.3% ni Wakristo wa madhehebu mbalimbali, hasa Waprotestanti, lakini pia Wakatoliki (5%). Wanaoendelea kufuata dini asilia za Kiafrika ni 0.5% na Waislamu ni 1%.

Afya

Eswatini ni kati ya nchi duniani zilizoathiriwa zaidi na Ukimwi; umri wa wastani unafikia miaka 22 pekee kwa sababu ya vifo vingi (64%) vinavyotokana na ugonjwa huo uliopata 26% ya watu wazima wote.

Tazama pia

• Orodha ya Wafalme wa Uswazi
• Orodha ya nchi kufuatana na wakazi
• Orodha ya nchi za Afrika kulingana na idadi ya watu
• Orodha ya nchi za Afrika kulingana na msongamano wa watu
• Orodha ya nchi za Afrika kulingana na pato la taifa
• Demografia ya Afrika

Viungo vya nje

• Government of Eswatini
• Wikimedia Atlas of Eswatini
• The Kingdom of Eswatini – a royal experience, official Eswatini tourism website (richly illustrated, english)
• Eswatini National Trust Commission – Conserving Eswatini's Natural and Cultural Heritage, (very extensive descriptions of history, culture and nature, English)
• The Kingdom of Eswatini's Big Game Parks (website about the three big game parks, english)
• Eswatini entry at World Fact Book
• eSwatini country profile from the BBC News
• Key Development Forecasts for Eswatini from International Futures (IFs)
• Photographs of Swaziland Wildlife – Hlane Royal National Park, Mkhaya Game Reserve

Makala hii kuhusu maeneo ya Afrika bado ni mbegu. Je unajua kitu kuhusu Eswatini kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.