Mayote

Mayote
Départment de Mayotte (Kifaransa)

(Bendera ya Mayote) (Nembo la Mayote)
Wimbo wa taifa: La Marseillaise
Lugha za Taifa	Kiswahili (shimaore) Kifaransa
Mji Mkuu	Mamoudzou
Rais Rais wa Ufaransa	Emmanuel Macron
Eneo  - Jumla  - 0.4% Maji	Kadiriwa 185 duniani 374 km²
Umma  - Kadirio 2019 (270,372)  - Sensa, julai 2002 (160,265)  - Umma kugawa na Eneo (kilomita) 720	Kadiriwa 187 duniani ; (11 duni)
Chumo cha uchumi  - Jumla  - kwa kipimo cha umma	$466.8 billion (208 kadir) $2,600 (165)
Uhuru  - Kadirifu  - Barabara	Eneo la Ufaransa Kura ya maoni kubaki eneo la Ufaransa
Fedha	Euro
Saa za Eneo	UTC +3
Wimbo wa Taifa	La Marseillaise
Intaneti TLD	.yt
kodi za simu	269

Mayote ni eneo la ng’ambo la Ufaransa (kwa Kifaransa: Départment de Mayotte). Linaundwa na visiwa vya Maore na Pamanzi pamoja na vingine vidogo. Eneo hili kijiografia ni hasa muungo wa funguvisiwa la Komori lakini si kisiasa.

Ramani ya Komori na Mayote.

Mayote iko katika kaskazini ya Mfereji wa Msumbiji kwenye Bahari Hindi, kati ya Madagaska upande wa mashariki-kusini na Msumbiji bara upande wa magharibi. Iko kilometa 295 magharibi kwa Madagaska na km 67 kusini mashariki mwa Nzwani.

Ardhi ya Mayote ina eneo la takriban km² 374. Ni mwamba wa matumbawe.

Mji mkuu ni Mamoudzou tangu mwaka 1977. Mji mkuu wa zamani ni Dzaoudzi kwenye kisiwa cha Pamanzi.

• Visiwa vya Mayote
• 
  Dzaoudzi
• 
  Chissioua Mtsamboro.
• 
  Chissioua Mbouzi.
• 
  Chissioua Bandrélé.

Historia

Andriantsoly, Sultani wa mwisho wa Mayote, 1832-1843.

Mayote inaonekana kuwa imekaliwa na watu kutoka karne ya 7, wakitokea Madagaska, wengine wenye asili ya Asia na wengine wenye asili ya Afrika.

Kati ya karne ya 8 na karne ya 11 wakazi walisilimu, na kuna msikiti mkongwe (katika Tsingoni) wa karne ya 14, pamoja na mirhab ya matumbawe (1532). Visiwa vyote vya Komori vinafuata utamaduni wa Kiswahili vikiwa pamoja na Mayote.

Mwaka wa 1841, wakati idadi ya watu ilipungua kwa wakazi chini ya 3000, sultani wa mwisho Andriansoly (kutoka Madagaska) aliuza kisiwa kwa Ufaransa kwa kubadilishana ya ulinzi wa nchi hiyo, hivyo Mayote ikawa koloni la Kifaransa.

Mwaka 1974, wakati visiwa vingine vitatu vya Komori walidai uhuru na kuunda Umoja wa Komori, Mayote iliomba kubaki na Ufaransa, na mwaka 2011 ilipewa hali ya eneo la ng'ambo la Ufaransa kwa kura ya maoni.

• 
  Ziara ya Polé (karne XV – XIX).
• 
  Kaburi la Kiswahili sawa na yale ya Lamu.
• 
  Dzaoudzi katika 1855.
• 
  Bendera ya eneo la Mayote.

Lugha na dini

Kuna lugha tatu ambazo huzungumzwa kisiwani Mayote, yaani Kifaransa (lugha rasmi), Kimaore ya Komori (55.1%), na Kibushi ya Madagaska.

Upande wa dini, asilimia 97 ni Waislamu na 3% ni Wakristo.

Utalii

Kisiwa cha Mayote kina mchanga wa pwani ya rangi tofauti (nyeusi, kahawia, kijivu, nyekundu, beige, nyeupe). Rasi yake ni kubwa (km² 1500).

• 
  Mchanga wa Mstamboro
• 
  Mpito wa Longogori
• 
  Mchanga wa Tsohole
• 
  Nyamba
• 
  Ziwa Dziani

Usafiri

Bahari karibu na Mamoudzou.

• Reli: kilomita 0
• Barabara:
• Jumla: kilomita 93 (mi 58)
  • za lami kilomita 72 (45 mi)
  • za vumbi: kilomita 21 (13 mi)
• Vilindi vya kung’oa tanga: hakuna
• Bandari: Dzaoudzi
• Uwanja wa ndege: 1 (2002)
  • Viwanja vya lami: 1

Tazama pia

• Jiografia ya Mayote
• Watu wa Mayote
• Siasa ya Mayote
• Uchumi wa Mayote
• Mawasiliano ya Mayote
• Maeneo ya ng’ambo ya Ufaransa
• Wizara za serikali ya Ufaransa
• Orodha ya nchi kufuatana na wakazi
• Orodha ya nchi za Afrika kulingana na idadi ya watu
• Orodha ya nchi za Afrika kulingana na msongamano wa watu
• Orodha ya nchi za Afrika kulingana na pato la taifa
• Demografia ya Afrika

Viungo vya nje

• CIA World Factbook - Mayotte Ilihifadhiwa 5 Julai 2006 kwenye Wayback Machine.
• cha maelezo, Mayotte - Mayotte Ilihifadhiwa 19 Januari 2012 kwenye Wayback Machine.
• Mayotte travel guide kutoka Wikisafiri
• Shimaore (na Kifaransa)